وێڕای سڵاو له‌ دۆستانی به‌ڕێزی ئه‌نجومه‌ن و سه‌رجه‌م میوانانی ئه‌م  ماڵپه‌ڕه، ئاگادارتان ده‌که‌مه‌وه‌، ریزی به‌رنامه‌کانی که‌ له‌ ئه‌نجومه‌ن به‌ڕێوه‌ ده‌چێت، له‌مه‌ودوا (به‌گوێره‌ی توانا) پێش‌تر راده‌گه‌ندرێت.

ئێستاش له‌ لاپه‌ڕه‌ی - به‌رنامه‌ی ئه‌نجومه‌ن - دا ئه‌م به‌رهه‌مانه‌ داندراون، پێویسته‌ داوابکه‌م ئه‌و که‌سانه‌ی ناتوانن له‌م کۆڕانه‌دا به‌شدار بن ،رای خۆیان سه‌باره‌ت به‌م به‌رهه‌مانه‌ رابگه‌یێنن.

هه‌تا شوێنێک بۆ ده‌ربڕینی راتان داده‌نێم، ده‌توانن به‌ ناونیشانی ماڵپه‌ڕ(info@mamand.com) بنێرن.

به‌ سپاسه‌وه‌: مامه‌ند

پاییز (مۆدنه‌ی ساڵ)

به‌بۆنه‌ی ورده‌ ورده‌ هاتنی وه‌رزی پاییز، ئه‌م شیعره‌ (که‌ پێشتریش پێش‌که‌شتان کرابوو) دووباره‌ بڵاو ده‌که‌مه‌وه.(مامه‌ند)

پرچی  ره‌شی  بێ‌تاقه‌تیم

مقه‌ستی  زێڕینی  پاییز

ده‌یقرتێنێ و

وه‌نه‌وزه‌کان

ته‌نیا  ده‌نگی  ده‌سفرۆشێک . . .

به‌ردی هه‌تاو له‌ یه‌ک دوو ڕسته‌دا چڕ ناکرێته‌وه‌. له‌به‌ر ئه‌وه‌ی وه‌ک زۆربه‌ی شاکاره‌ شێعریه‌کانی ئه‌م چاخه‌، پێکهاته‌یه‌کی ئه‌وتۆی هه‌یه‌ که‌ خۆی ڕه‌خنه‌له‌خۆی ده‌گریت. یه‌ک له‌ تایبه‌تمه‌ندیه‌کانی ئه‌م خه‌سڵه‌ته‌ش، ئه‌مه‌سه‌ که‌ ڕه‌خنه‌گری کارامه‌ ده‌کاته‌ شتێکی بێ که‌ڵک. هه‌ر ئه‌وه‌ی بۆ ده‌مێنێته‌وه‌ که‌ ڕێ وشوێنێک بۆ خوێندنه‌وه‌ی ده‌ق پێشنیار کات ودوایه‌ش ده‌سته‌ونه‌زه‌ر بێده‌نگ بوه‌ستیت، چاره‌یه‌کی دیشی نییه‌ جگه‌له‌ بێده‌نگ بوون. بۆیه‌ش تکایه‌ دوای خوێندنه‌وه‌ی ئه‌م پێشه‌کییه‌، فه‌رامۆشی که‌ن. ئه‌وه‌ وه‌ نه‌قڵی ئه‌و به‌یت بێژه‌ ده‌چیت که‌ دوای ئه‌وه‌ی لێی ده‌پرسن ئه‌ی که‌نگی ده‌گه‌یه‌ سه‌ر نه‌قڵه‌که‌ ، ده‌ڵێ گه‌لۆ،ده‌ ئه‌وه‌ هه‌ر نه‌قڵه‌که‌ خۆی بووئیدی. شێعری پاز چیرۆکێکی بێ کۆتایه‌ له ‌ئه‌زمان چیرۆکبێژێکی بێ کۆتا. چیرۆکه‌که‌ی چیرۆکی دی ده‌گێڕیته‌‌وه‌و،‌ ئه‌وانیش ده‌بنه‌ نه‌قڵی به‌یت بێژان. پرسیار: کێ چیرۆکی ده‌ست پێ کرد؟ پاز له‌سه‌ر وڵام دانه‌وه‌ی ئه‌م پرسیاره‌، تا ڕاده‌ی گونجاوی هه‌ر شاعیرێکی نوێخوازی ناسیاوم، نزیک بۆته‌وه‌. له‌به‌ر ئه‌وه‌ی هه‌ر شاعیرێکی به‌ ئه‌زموون پێی وایه‌ که‌ وه‌ڵامێکیش له‌ گۆڕێ دا نییه‌، جگه‌ له‌ نیشانه‌ی پرسیارێک، یان ئه‌وه‌تا له‌ به‌ردی هه‌تاودادووخاڵی له‌سه‌ر یه‌ک، که‌ خوێنه‌ر بانگهێشتن ده‌که‌نه‌ دووباره‌خوێندنه‌وه‌ی ده‌ق‌.

وه‏رگێر: مراد ئه‏عزه‏می

ئۆکتاوڤیۆ پازی مه‌کزیکی، نه‌ک هه‌ر شاعیرێکی جیاوازه‌، ڕه‌خنه‌گرێکی له‌ زه‌برو،تیۆری زانێکی زۆرزانیشه‌. وت وویژو دیالۆگ، کاکڵی سه‌رله‌به‌ری بۆچوونه‌ تاویه‌ته‌کانی پازه‌.  ته‌نانه‌ت له‌ تاک بێژیه‌کانیشی دا،شێعرو وتارو به‌رهه‌مه‌کانی له‌گه‌ڵ یه‌ک ده‌دوێن. واژه‌کانیش له‌ته‌ک سرته‌و قورته‌یانه‌. بێده‌نگیش حیکایه‌ت خوانه‌و به‌شداربووی وت ووێژ. بۆ بێژکردن، سه‌ره‌تا ده‌بی فێره‌ بێده‌نگ بوون بین. شێعری پاز، ریالیزمێکه‌ سه‌ربه‌ وڵاتی ئوستووره‌. خزمی نزیکی ده‌قه‌کانی جۆیس وکافکاو پڕۆسته‌. سوررێیالیزمێک که‌ له‌ودا نه‌ک خودا یان ئاوه‌ز، که‌ ئیلهام له‌ ناوه‌ندی هه‌ستی دایه‌. ئه‌و ئیلهامه‌ی که‌ نه‌ک له‌ ده‌ره‌وه‌ی شاعیر، که‌ له‌ ناخی ئه‌م و،له‌ هه‌ناوی زمانه‌وه‌ هه‌ڵده‌قوڵیت. ئیلهامێک که‌ موکاشیفه‌یه‌کی ده‌ره‌کییه‌، ئه‌و دۆخه‌ی که‌ دوابه‌دوای ده‌خه‌وڕاچوونی وشیاری، هوروژمی دێنیت وله‌ درگایه‌که‌وه خۆ ده‌ژووری ڕۆحمان ده‌خزێنێت که‌ هه‌رله‌ ساته‌وه‌ختی گاڵه‌درانی درگای به‌ ئاگابوون، ده‌خرێته‌ سه‌رپشت. ئۆکتاڤیۆ پاز، نوقمی ئه‌کسیری ئه‌وخه‌یاڵانه‌‌، به‌ره‌و په‌ری شێعر هه‌نگاو ده‌نێت و، به‌ دووباڵی ئیلهام وگفت وگۆ ( به‌ردی هه‌تاو، مه‌یمونی نه‌حوی، گه‌ڕانه‌وه‌ و...) ده‌خوڵقێنیت.
پاز، براوه‌ی خه‌ڵاتی نۆبێلی ئه‌ده‌بی 1990، له‌ وت ووێژێکی دوورو درێژی دا، له‌ ته‌ک نووسه‌ره‌ هاووڵاتییه‌که‌ی( خولیا ریوێس)، له‌ نامیلکه‌ی ( تاک بێژی دووده‌نگی)دا، وه‌ده‌نگ دێت وبیروڕا جووداوازه‌کانی ده‌رده‌بڕیت. خێراوکورت،گوێ ده‌ده‌ینه‌ هه‌ندێک له‌ بۆچوونه‌کانی سه‌باره‌ت به‌ ئه‌ده‌ب وهونه‌رو شێعرو... :

وه‏رگێر: مراد ئه‏عزه‏می

گه‌ر بتزانیایه‌

له‌ هه‌رێمی خۆشه‌ویستیت

چ کڕێوه‌یێکم هه‌ڵکردووه‌؟

گه‌ر بتزانیایه‌

په‌رده‌ ئه‌ڕخه‌وانیه‌کانی خه‌ونم

هه‌موو شه‌وێ

سه‌یرانگای یادی پیرۆزته‌

گه‌ر بتزانیایه‌

بوومه‌له‌رزه‌ی ته‌زووی بیره‌وه‌ریت

چ سامناکانه‌

بنه‌مای له‌رزۆکی شاری جه‌سته‌م ده‌هه‌ژێنێ

 عه‌لی سۆهرابی-شنۆ